Norconsult Sogn og Fjordane søkjer sivilingeniør/ingeniør VA

Norconsult er det største rådgjevarmiljøet innan vatn, avlaup og overvasshandtering i Noreg. Norconsult har kompetansen som gjev sikker vassforsyning og miljøtilpassa og effektive avlaups- og overvassløysingar som tek høgde for framtidige klimaendringar.

Vi dekker alle fagområde som er naudsynt for utgreiing, planlegging og prosjektering av komplette VA-anlegg frå idé til realisering. På landsbasis har Norconsult det største rådgjevarmiljøet innan vatn- og avlaupsteknikk, med over 250 medarbeidarar. Norconsult Sogn og Fjordane har 7 dyktige VA-ingeniørar, og kontoret ønskjer å styrke VA-miljøet ytterlegare.

Norconsult har kontor i Førde, Flekke, Sogndal, Gaupne, Årdal, Sandane og på Nordfjordeid, med omlag 75 medarbeidarar totalt. Vi utfører tenester innan samfunns- og arealplanlegging, veg- og trafikk, landskapsarkitektur, VA, elektro, VVS, landmåling, geoteknikk, industri/maskin, ingeniørgeologi, miljø, konstruksjon, bygg- og anlegg og prosjektadministrasjon.

I Norconsult jobbar vi mykje på tvers av fag og geografi for å utnytte kompetanse og ressursar. Avhengig av bakgrunn og erfaring vil du kunne jobbe på store tverrfaglege prosjekt, men også i mindre, lokale oppdrag.  

Hjå oss møter du engasjerte kollegaer, frå unge nyutdanna til erfarne seniorar med brei kompetanse og stort nettverk i bransjen. Vi har store og små oppdrag for både offentlege og private byggherrar. Vi arbeider i alle prosjektfasar – frå tidleg planleggingsfase til detaljprosjektering og oppfølging i byggje- og anleggsfasen.

Vi søkjer etter motivert og dyktig ingeniør/sivilingeniør, fortrinnsvis med noko erfaring innan VA-prosjektering, gjerne frå rådgjevarbransjen.

Dine arbeidsoppgåver vil vere:

• Planlegging og prosjektering av vatn-, avlaups- og overvassanlegg i alle prosjektfasar

• Utarbeiding av konkurransegrunnlag og kostnadsoverslag

• Bruk av prosjekteringsverktøy/DAK/BIM-verktøy, visualiserings- og innsynsmodellar

• Oppdragsleiing i einfaglege og tverrfaglege oppdrag

• Oppfølging på byggeplass

• Kundeoppfølging, marknadsføring og sal/tilbodsarbeid

For oss er det viktig at du:

• Har stor interesse og fagleg kunnskap om fagområdet

• Har erfaring med prosjekteringsverktøy som AutoCad med NovaPoint, Civil 3D

• Erfaring med teknisk beskrivelse og bruk av G-prog; fortrinnsvis NS3420

• Gjerne har erfaring frå anlegg/byggeplass (entreprenør- eller byggherreorganisasjon)

• Er sjølvstendig, men likar å arbeide med menneske og fungerer godt i team – ein god relasjonsbyggjar

• Er kreativ, løysingsorientert og ønskjer fagleg utvikling

• Er fleksibel og ansvarsbevisst

• Er flink til å formulere deg munnleg og skriftleg på norsk

Hos oss får du:

• Faglege utfordringar med mogelegheit til å utvikle deg vidare i spanande prosjekt

• Tverrfagleg og sterkt fagmiljø med samarbeid innan fleire ulike fag

• Verdibasert samfunnsplanlegging med fokus på framtidsretta og berekraftige løysingar

• Sterk bedriftskultur og godt arbeidsmiljø prega av uformelle kommunikasjonslinjer på tvers av organisasjon og geografi

• Eige fora for yngre medarbeidarar med direkte tilgang til toppleiinga i konsernet (Yngres Råd)

• Ordning for deling av overskotet der alle tilsette får direkte utbytte av resultatet i selskapet

• Gode løns- og arbeidsvilkår

• Fleksibel arbeidstid

• Studieturar, interne fagsamlingar/fagnettverk, ulike sosiale arrangement, bedriftshytter mv

Innsending av søknad: Søknad med CV, vitnemål og attestar skal sendast via vårt elektroniske søknadsskjema på Norconsult sine internettsider. Innkomne søknader vert handsama fortløpande. Vi gjer merksam på at det berre er elektroniske søknadar som vil bli handsama. Oppgje i søknaden kva kontorstad du primært ønskjer.

Kontaktpersonar for stillinga er avdelingsleiar Cornelis Erstad, cornelis.erstad@norconsult.com, tlf 41043715 eller gruppeleiar Arne Kringlen, arne.kringlen@norconsult.com, tlf. 95117875.

I Norconsult utviklar vi samfunnet for morgondagen ved å kombinere ingeniørfag, arkitektur og digital kompetanse. Vi har ei heilskapeleg tilnærming med utgangspunkt i at vi er lokalt tilstades og tverrfagleg kompetanse og samarbeid. Gjennom nyskaping og innovasjon, og med føremålet «Kvar dag gjer vi kvardagen betre», søker vi stadig etter meir berekraftige, effektive og samfunnsnyttige løysingar. Vi er eit medarbeidar-eigd rådgjevarselskap, og våre 5 900 medarbeidarar er fordelt på rundt 130 kontor, hovudsakleg i Norden. Kvart år løyser vi tusenvis av små og store oppdrag for private og offentlege kundar, innan blant anna bygg og eigedom, samferdsel, arkitektur, fornybar energi, vatn og avløp, industri, sikkerheit, miljø og IT.